Chourrautek eta Etxanizek finalerdietarako txartela eskuratu dute
Maialen Chourraut piraguistaren artxiboko irudi bat. Espainiako Piraguismo Federazioa 
Donostiako Atletikoko piraguista Maialen Chourrautek eta Pau Etxaniz donostiarrak kayakeko finalerdietarako txartela lortu dute Lee Valleyko (Ingalaterra) Munduko Txapelketan. Chourrautek lehenengo jaitsieran lortu du finalerdietarako pasea, hamaseigarren denborarik onena eginda. Etxanizek, aldiz, bigarren jaitsiera bat behar izan du, baina sailkapena lortu du baita ere. Olatz Arregi donostiarra ere lehiatu da, baina ez du finalerdietarako txartela eskuratu.
Eslalomeko kategorian, Miren Lazkano donostiarra eta Klara Olazabal iruindarra finalerdietan lehiatu dira, baina ez dute finalerako txartela lortzerik izan. Hala ere, egindako lanari esker, 2024ko Parisko Olinpiar Jokoetarako plaza bat lortu dute emakumezkoen kanoetan eta beste bat kayaketan. Ondoren, Espainiako Federazioak aukeratu beharko du zein piraguistak erabiltzen dituzten plaza horiek.
