Mads Bonde Sturup fitxatu du Gipuzkoa Basketek
Mads Bonde Sturup jokalaria. 
Denboraldia hastear den honetan, Gipuzkoa Basketek Mads Bonde Sturup hegaleko jokalari danimarkarraren fitxaketa iragarri du. 26 urteko jokalariak Espainiako LEB Oro liga ezagutzen du, Almansan eta Gironan jokatzetik baitator. Lehenengo mailan eta Europan ere jokatutakoa da. Aste honetan bertan hasiko da taldearekin entrenatzen, eta zortzi zenbakia eramango du kamisetan.
Aitor Zubizarretaren lesioaren ostean, litekeena da danimarkarrarena ez izatea azken fitxaketa. Gutxi gelditzen da denboraldia hasteko, beraz, klub donostiarra buru-belarri dabil lanean, liga ahalik eta talde onenarekin hasteko.
