Kontadoresek udazkeneko laborategietan izena emateko epea ireki du
Kontadores Gazte Zentroa. Artxiboko irudi bat 
85 plaza eta 7 kultura laborategietan aritzeko aukera eskaintzen dut Kontadores gazte zentroak urritik otsailera bitarte. Besteak beste, argazkilaritza esperimentala, totebag poltsaen pertsonalizazioa, jantzigintza eta dancehall eskolak eskainiko dira Bidebietako egoitza honetan. Antolatzaileek adierazi dutenez, gazteen interesak, beharrak eta gustuak kontuan izanda osatu dute programazioa, baita eskaini ere, gazteen poltsikora egokitutako prezioak jarri baitutuzte.
Parte hartzeko irizpideak
18 eta 30 urte bitarteko gazteentzako dira ikastaroak, eta Donostian erroldatuta daudenek izango dute lehentasuna. Dena dela, adierazi dutenez, eskaintza adin tarte horretarako diseinatuta dagoen arren, tokirik geratzen bada, 18 urte baino gutxiago eta 30 urte baino gehiago dutenek ere izango dute laborategietan parte hartzeko aukera.
