Añorgako irteera itxiko dute gaur gauean saihesbidean, Baionako noranzkoan
Aldundiak jakinarazi duenez, gaur gauen (hilak 3) Donostiako saihesbideko (GI-20) hamargarren irteera itxi egingo dute Baionako noranzkoan, 21:30etik 05:00etara. Bidegi zorua birgaitzeko lanetan ari da errepide horretan, eta astearte honetan 12,6 eta 11,1 kilometro puntuen artean fresatze lanak dituzte aurreikusita.
Horren aurrean, erabiltzaileei Ondarretako hamabigarren irteera erabiltzeko gomendioa luzatu die aldundiak, Zuatzu enpresa parkera doana, eta hortik GI-21 errepidetik jarraitzea.
