Kofradia Itsas Etxeak arrantza artisauaren sarien banaketa egingo du larunbatean
Donostiako Aquariuma.Aquarium 
Kofradia Itsas Etxea Sarien hirugarren edizioa ospatuko du larunbat honetan Aquariumean, artisau arrantzaren lanbidea sustatu duten erakunde eta pertsonak omentzeko. Ekitaldian izango dira Arantxa Tapia Ekonomiaren Garapen, Iraunkortasun eta Ingurumeneko sailburua, Ane Insausti Ekonomia Sustapen eta Proiektu Estrategikoetako diputatua, Bittor Oroz Eusko Jaurlaritzako Nekazaritza, Arrantza eta Elikagai Politikako sailburuordea, Leandro Azkue Arrantza eta Akuikulturako zuzendaria eta Eneko Goia alkatea, besteak beste.
Artisau arrantzaren urtea dela eta, goiz osoan zehar ‘Izan Arrantzale’ programaren baitan antolatutako jarduerez gozatzeko aukera izango da kaian: saregileen erakustaldia eta bisita gidatuez gain, eta bertako produktuak saltzeko janari fugoneta bat jarriko dute.
