'Auzoa sasoian' izeneko programazioa prestatu dute Loiolako Erriberan, azaroari hasiera emateko
Ekitaldi bat Maria Zambrano plazan. (Argazkia: Erribertxo) 
Loiolako Erriberako Auzo Mahaiak Auzoa sasoian izeneko programa berezi bat prestatu du azaroari ongietorria emateko. Azaroaren 5etik 7ra hainbat jarduera egingo dituzte auzoan, eta herritar oro gonbidatu dute haietan parte hartzera.
Azaroaren 5ean, 09:00etatik 14:00etara, bertako produktuen azoka egingo dute Maria Zambrano plazan. Horrez gain, 11:00etatik 12:30era, umeentzako zientzia tailerra antolatu dute toki berean.
Hurrengo egunean, hilaren 6an, 17:30etik 20:30era, odola emateko jardunaldia egingo dute Minbiziaren Aurka Gipuzkoan-en egoitzan (Bartzelona hiribidea, 6). Odola eman nahi duenak izena eman beharko du aldez aurretik, 943-45 77 22 zenbakira deituz edo gipuzkoa@contraelcancer.es helbidera mezu bat idatziz.
Hilaren 7an, 18:00etatik 19:30era, Ana Elbusto nutrizionistak Udazkeneko menua: merkatutik platerera solasaldia gidatuko du. Loiolako Erriberak auzo elkartean izango da, eta bertaratu nahi duenak izena eman beharko du aldez aurretik, 943-45 77 22 zenbakira deituz edo gipuzkoa@contraelcancer.es helbidera mezu bat idatziz.
