Gaur hasiko da Ikasbide kultur elkartearen Azaro Kulturala zikloa
Azaro kulturala, artxiboko irudi batean.Ikasbide kultur elkartea 
Ikasbide kultur elkarteak Azaro Kulturala zikloari ekingo dio gaur (azaroak 2). Bost hitzaldi eta bertso afari bat antolatu dituzte hilabete honetan zehar, eta hitzaldi guztiak euskaraz izango dira, 19:00etan, Ikasbide kultur elkartean.
Aztiko Oihane Cabezas biologoa itsas zaborrari buruz arituko da gaur. Hilaren 9an, Leire Cano psikopedagogoa harremanei eta komunikazioari buruz arituko da. Mikel Cerezo hezitzaileak teknologia berrien inguruko gomendioak emango dizkie gurasoei hilaren 16an. Azaroaren 23an, aldiz, Dani Fano marrazkilariak komikiei buruz hitz egingo du, eta Mikel Edeso Aranzadi Zientzia Elkarteko kideak Irulegiko eskuaren proiektua aurkeztuko du hilaren 30ean.
Hitzaldiez gain, abenduaren 2an bertso afari bat egingo dute, 20:30ean, Sustrai Colinaren eta Alaia Martinen eskutik. Bertso afarirako txartelak salgai daude dagoeneko.
