'Anime perdute' argitaratu du Ariak, taldearen lehenengo diskoaren aurrerapen abestia
![marina-landa](https://irutxulo.hitza.eus/site/files/2023/01/marina-landa.jpg)
Marina Landa donostiarraren proiektu musikala da Aria pop taldea, eta prestatzen ari diren diskoaren aurrerapen abestia argitaratu dute: Anime perdute. Euskaraz eta italieraz abestutako kanta da, eta plataforma digitaletan dago entzungai.
Horrela, abenduaren 5ean argitaratuko du Ariak bere lehenengo diskoa: Urdin. Landa da taldeko burua eta ahotsa, teklatuetan Iñaki Ortego dago, baterian Ion Larrañaga eta gitarran Iñaki Olaskoaga.