Donostiako 60 kaletako galtzadak konpontzeko aurrekontua onartu du udalak
Kontxako pasealekua.(Argazkia: Donostiako Udala) 
Tokiko Gobernu Batzarrak galtzadako zoladurak konpontzeko lanen 2023ko proiektua onartu du. Proiektu horrek 1.034.836 euroko aurrekontua du eta 36 asteko epean egitea aurreikusten da. Guztira, 60 kale, pasealeku eta etorbideetan aurreikusten du galtzadako zoladura asfaltatzea eta zuloak betetzea.
Hiri Mantentze arloko zaindariek, hiriko zoladurak konpondu eta berritzeko kontrataren zaindariek, Udaltzaingoaren txostenek eta herritarrek egindako iradokizunek egindako ikuskapenetan oinarrituta, 60 leku horietan aurkitu dituzte kalteak, eta horietan egingo dira galtzadako zoladura asfaltatzeko eta zuloak betetzeko lanak.
Zoladura berritzeko hainbat jarduketa proposatzen dira, dagoen kaltearen garrantziaren eta ibilgailuen trafikoaren arabera kaleek etorkizunean izango dituzten beharren arabera: errefortzu tratamendua, saneamendu tratamendua, lotura birjarpen tratamendua, erregistroen tapak, bolardoak eta mugatzeko bandak eta margotzea.
