Isabel Azkarate fotokazetariaren atzera begirakoa jarriko dute Tabakaleran
Ia hirurehun negatiboren kopiak jarri dituzte ikusgai erakusketan. (Argazkia: Kutxa Fundazioa) Isabel Azkarate Morera fotokazetari donostiarraren atzera begirako erakusketa ikusgai egongo da Tabakaleran. Erakusketak artistak 1978 eta 2006 bitartean ateratako ia hirurehun negatiboren kopiak biltzen ditu.
Azkarate Morera Euskal Herriko lehen emakume fotokazetaritzat hartzen da. Zinemaldiko argazkilari ofiziala izan da, baina nazioartera egindako bidaietan emakumeen, nekazarien edo hiri tribuen erretratuen bidez herrialde horien egoera erretratatzeko izan duen interesagatik ere nabarmendu da, besteak beste.
Haren lana “behar bezala aitortzea” du helburu erakusketak. Abenduaren 2tik otsailaren 25era ikusi ahal izango da, Artegunea aretoan.
