Tokiko marken Gabonetako azoka egingo dute igandean Teila Fabrikan
Egiako Teila Fabrika. (Argazkia: Teila Fabrika) 
Gabonetako azoka egingo dute igandean (abenduak 3) Egiako Teila Fabrikan, eta tokiko marken askotariko produktuak egongo dira bertan salgai. Azoka 11:00etatik 14:00etara eta 17:00etatik 20:00etara egongo da zabalik, eta marka multinazional eta globalizatuen aurrean, eskuz eginda dauden eta nortasun propioa duten produktuak eskaini nahi dituzte.
Honako dendetako produktuak egongo dira eskuragarri azokan: Hdhaizea bitxiak, Josthari motxila eta poltsak, Juncal akuarelak, Plato ceramica zeramika eta Lorian arropa.
Azokaz gain, haurrentzat nahiz helduentzat pintura tailerra antolatu dute 11:00etan. Plazak mugatuak izango dira, eta 675-71 74 07 zenbakira deituta egin daiteke, hamabost euroren truke.
