Donostiako D' Museoak jaiotzen erakusketa izango du urtarrilera arte
![](https://irutxulo.hitza.eus/site/files/2023/12/museodiocesano-2.jpg)
Donostiako Elizbarrutiko D’Museoak, Gipuzkoako Jaiotzazaleen Elkartearekin batera, erakusketa bat jarriko du urtarrilaren 7ra arte. Bi jaiotza izango dira, Napolikoa bat eta Euskal Herrikoa, eta lau diorama eta 80 jaiotza irudi baino gehiago izango ditu.
Era berean, Burdinazko zepan egindako Olentzero ere ikusi ahal izango da, baita bere tradizioaren jatorria ezagutu ere. Lehen aretoan, halaber, hainbat teknika eta jatorri desberdinetako jaiotza irudien aukeraketa bat dago.
Gune horrek ere lau diorama ditu ikusgai, jaiotzetan irudikatzen diren eszenekin: deikundea Ama Birjinari, deikundea artzainei, erregeak Belenera bidean eta Egiptorako ihesa. Bigarren aretoan, ordea, jaiotza motak ezagutzeaz gain, duela urte batzuk museoari dohaintzan eman zitzaion Jaiotza Napolitanoa izango du. XVIII. mendean, Napolin kokatutako 200 irudi baino gehiago ditu eta Gipuzkoako Jaiotzazaleen Elkarteak egindako Euskal Jaiotza Herrikoi batez osatzen du.
Erakusketa astelehenetik ostiralera ikus daiteke, 10:30etik 19:00etara bitarte. Larunbatetan, ordea, 10:30etatik 18:00etara dago irekita, eta igande eta jaiegunetan 16:00etatik 19:00etara.