Aitor Zabaleta omentzeko kanta kaleratu du Aingeru Gorrotxategik
Bultzadak 2021ean egindako tifoa, Aitor Zabaletaren omenez. (Argazkia: Reala) 
Aingeru Gorrotxategi musikari donostiarrak Zerutik abestia argitaratu du, Aitor Zabaletaren omenez. Hain justu, bihar (hilak 8) beteko dira 25 urte ultraeskuindar batek Aitor Zabaleta realzalea hil zuenetik, eta 19:00etan manifestazioa deituta dago Bulebarretik —urteurrenarekin batera kaleratuko du Bultzadak Zabaletaren omenezko dokumentala—.
Gorrotxategik duela 24 urte sortu zuen kanta, baina orain grabatu du, orain arte “tristura handia” ematen baitzion hura kantatzeak. Gorrotxategik Zabaletaren begirada jaso nahi izan du abestian, eta haren figurari egindako “ordain emozional gisa” sortu zuen.
