Frankismoko heriotz zigorrak gogora ekarri ditu Maria Berasartek Kongresuan bertsionatutako 'Al Alba' kantuak
Maria Berasarte donostiarrak Konstituzioaren Eguneko irudi nagusienetakoa bilakatu zen. Izan ere, Berasarteren ahotsak gidatu zuen ordezkari politikoen ekitaldiari nagusia Diputatuen Kongresuan. Berasartek bi bertsio egin zituen, ekitaldiaren hasieran eta amaieran, eta kantuek oihartzun handia izan dute sareetan. Kantuen aukeraketak, baina, badu esanahi politikoa: Berasartegik Joan Manuel Serraten Aquellas pequeñas cosas eta Eduardo Auteren Al alba abestiak aukeratu baitzituen.
Azken abesti hori izan da gehien zabaldu dena, eta Naiz hedabideak zabaldu duen moduan, Luis Eduardo Aute musikari espainiarrak, heriotz zigorra salatzeko argitaratzeko asmoa bazuen ere, maitasun kantu gisa aurkeztu zuen azkenean, “errepresio frankistari izkin egiteko” ziurrenik. Hain zuzen, 1974an argitaratutako kantua Francok agindutako azken exekuzioak salatzeko ikur bilakatu zen urtebete beranduago, tartean ETAko kide ziren Jon Paredes «Txiki» eta Anjel Otaegirenak salatzeko.
