Giza Eskubideen Aldarrikapen Unibertsalaren urteurrena dela eta jarduerak antolatu ditu udalak
Iazko udan, 'House of the Dragon' telesaila iragartzeko hondartzan egindako irudia. Antzeko zerbait egingo dute igande honetan. (Argazkia: Josepa Parron San Sebastian) Igande honetan, hilak 10, 75 urte beteko dira Giza Eskubideen Aldarrikapen Unibertsala izenpetu zenetik. Egun hori probestuz, udalak zenbait jarduera prestatu ditu hirian zehar “Aldarrikapenak duen eta izan duen garrantziaz” jakinarazteko.
Hala, egun horretan bertan irudi bat sortuko dute Kontxako hondartzan. 8:30ean hasiko dira irudia sortzen, itsasbeherarekin batera, eta 11:00ak aldera bukatzea aurreikusten da. Horrez gain, udaletxeko eta Aieteko jauregiko fatxadetan olanak jarri dituzte.
