Askotariko produktuak eros daitezke Kursaalen zabalik dagoen Mercadabadillo azokan

2023/12/09

Dabadabak antolatzen duen Mercadabadillo azoka zabalik egongo da Kursaalen gaur eta bihar, 11:00etatik 19:00etara. Gabonak datozela eta, bertan askotariko produktuak eskuratzeko aukera dago: arropa, zapatak, poltsak, bitxiak, loreak, bigarren eskuko arropak, liburuak, diskoak, xaboi artisauak… Hamarnaka postu jarri dituzte, eta gustu guztientzako gauzak aurki daitezke bertan.