Aquariumeko hondora iritsi da olentzero
Aquariumeko Olentzero 10:30ak aldera sartu dute Aquariumeko Ozeanario barrura. Biologia lantaldeko bi urpekariren laguntzaz jaitsi dute Olentzero Aquariumaren hondoraino, eta bertan geldituko da Eguberriak pasatzen, urtarrilaren 9ra arte. Bien bitartean, 6.000 arrainez inguratuta egongo da, eta Kontxita eta Txuri marrazoak izango ditu bizilagun.
Aquariumeko Olentzerok 1,75eko altuera eta metro bateko zabalera du, eta metakrilatoz dago osatua. Nolanahi ere ez da museoaren eguberrietako adierazgarri bakarra, izan ere, ur azpian dago baita ere Gipuzkoako Jaiotzen Elkartearen jaiotza ere.
Maridomingi, aurrenekoz
Aurtengo berritasunen artean dute Mari Domingi, eta adierazi dutenez, maizago izango dute Aquariumean. Gaur, harrera egin dio Olentzerori, kristalaz bestalde, eta datozen egunetan ere bertatik ibiliko dela adierazi dute museoko ordezkariek; izan ere, Aquariumeko garbiketa lanetan lagunduko du Gabonetako astearte, ostegun eta larunbat goizetan.
