Derbi eguna da Realarentzat
Brais Mendez, partida batean. (Argazkia: Reala) 
Realak garaipen batekin hasi nahi du urtea, gaur arratsaldean Alavesen aurka jokatuko duen derbia irabazita. 19:15ean izango da neurketa, Anoetan, eta faboritoak dira txuri-urdinak, ligako hamaseigarren postuan baitaude gasteiztarrak, donostiarrak Europako postuetan dauden bitartean.
Imanol Alguacilek jokalari guztiak ditu eskuragarri partidarako, beraz, talderik onena zelairatu dezake. Izan ere, ligako zati erabakigarriena orain hasiko da, eta txuri-urdinek hobe dute puntu gutxi galtzea, hurrengo denboraldian Europan jokatzen jarraitzeko. Guridi eta Gebara Realeko jokalari ohiak izango ditu aurrean etxeko taldeak.
