Kirol txartelaren prezioek gora egingo dute aurten
Altzako kiroldegi berriko igerilekua. (Argazkia: Sara Ibarguren) 
Kirol Txartelaren prezioak %3 eta %5 artean igoko dira aurten. Helduen, familien eta helduen hileko abonamenduek %5 egingo dute gora, eta gainerako modalitateen prezioak, aldiz, %3 igoko dira.
Horrez gain, Kirol Txartel Sozialaren ordainketak ez du aldaketarik izango, eta gaur egun bezala, 24 euroko prezioa mantenduko du. Prezio berriekin, helduen abonua duen pertsona batek hilean euro bat gehiago ordaindu beharko du, adibidez, eta familiako abonu batek 1,64 euroko igoera izango du.
Kirol Txartelaren gainerako modalitateetan aldea txikiagoa izango da, abonu gaztearen kasuan bezala, eta hilean 35 zentimo baino ez da igoko. Desgaitasuna duten pertsonek 22 zentimo gehiago ordainduko dituzte hilero.
