Ibaeta Basket
Urtea garaipen batekin hasi nahi du Ibaeta Basketek
Ibaeta Basketeko jokalariak, abenduan, koparako sailkatu ostean. (Argazkia: Ibaeta Basket) 
Ibaeta Basketek urteko lehenengo partida jokatuko du gaur (hilak 3), etxean, Ferrol talde galiziarraren aurka. 20:00etan izango da neurketa, eta urtea garaipen batekin hasi nahi dute donostiarrek. Goiko postuetan jarraitzeko, garrantzitsua izango da irabaztea, galiziarrak ez baitaude oso urrun: ligako bosgarrena da Ibaeta Basket eta zortzigarrena Ferrol.
Gainera, denboraldi ona egiten ari da Galiziako taldea, eta gaurko neurketa irabaziz gero, koparako sailkapena eskuratuko luke; donostiarrek abenduko azken egunetan lortu zuten sailkatzea. Hala ere, Ibaeta Basketek azken hiru partidak irabazi ditu, eta ez dauka erritmoa jaisteko asmorik.
