Iris Junio Mbulito fitxatu du Ibaeta Basketek
Iris Junio Mbulito jokalaria. 
Ibaeta Basketek Iris Junio Mbulito eskolta kanariarra fitxatu du, abenduaren 30ean Jori Davisen baja iragarri ostean, taldea indartzeko. Long Island University talde estatubatuarrean jokatzetik dator, eta Espainiako selekzioarekin jokatu du beheko maila guztietan, munduko zein Europako txapelketak jokatuz.
24 urte ditu kanariarrak, eta 2013tik 2018ra Kanaria uharteetan jokatzen aritu zen, eta Kanaria Handia taldearekin egin zuen debuta Espainiako Ligan, 14 urte eta 198 egunekin; txapelketa horretan debutatu zuen jokalari gazteena izan zen. Hamazazpi partida jokatu zituen denboraldi horretan, batez beste partidako bost puntu sartuta, bi errebote hartuta eta asistentzia bat emanda.
2018an, Ameriketako Estatu Batuetako Arizona State Universityn hasi zuen bere unibertsitate aroa, eta lehenengo urtean 33 partida jokatu zituen, partida bakoitzeko batez beste bost puntu sartuta, bi errebote hartuta eta bi asistentzia emanda. 2022-2023 denboraldian iritsi zen Long Island Universityra, eta denboraldi horretan bederatzi partida jokatu zituen, baita partida bakoitzean batez beste, zazpi puntu sartu, zazpi errebote hartu eta bi asistentzia eman ere.
