San Sebastian eguna
Loiolatarra elkarteak jaso du San Sebastian egunean Plaza Berrian zintzilik egon zen bandera
Eneko Goia alkatearen eskutik jaso dute Loiolatarra elkartekoek bandera. Donostiako Udala 
San Sebastian egunean Plaza Berriko udaletxe zaharreko mastan zintzilik egon zen Donostiako bandera Loiolatarra elkartean dago dagoeneko. Loiolako elkarte ezagunak 100 urte beteko ditu aurten, eta udalak mendeurrenaren harira eman dio bandera.
2020tik, San Sebastian egunaren ondoren, hiriko eragile bati ematen dio udalak sansebastianetan igo eta jaisten duten hiriko bandera, bordatuta. 2020an, Union Artesanak jaso zuen bandera, bere 150. urteurrenarengatik; 2021ean, Osakidetzari eman zioten pandemian egindako lanarengatik; 2022an, ez zen jairik ospatu eta, 2023an, Intxaurrondoko Artzak Ortzeok elkarteak jaso zuen bandera bere mendeurrenarengatik.
Besteak beste udal talde guztietako ordezkariak egon dira Loiolatarra elkartean.Donostiako Udala
