Inauteriak
Agortu dira Illunben egingo duten inauteritako konpartsen aurkezpenerako sarrerak
Azken sarrerak Illunben jarriko dituzte salgai, hilaren 9an.
Agortu dira dagoeneko datorren ostiralean Illunben egingo duten inauterietako konpartsen aurkezpenerako salgai jarritako sarrerak. Donostia Festakek iragarri duenez, aurkezpenaren egunean, hilak 9, geratzen diren azken sarrerak jarriko dira salgai Illunbeko 8. atean, 19:15etik aurrera.
Viktoria Eugenia antzokiko leihatiletan, otsailaren 11n Kursaalean egingo den haurrentzako konpartsen emanaldirako sarrerak daude oraindik.
