Manteoko lanak salatzeko mobilizatuko dira aste honetan ere
Hainbat herritar manifestazioan sartu ziren duela bi aste BCCren bigarren egoitza egiteko lanen eremuan. Sara Ibarguren 
Manteo-Zemoria eremuan Basque Culinary Centerren bigarren egoitza (Gastronomy Open Ecosystem, GOe) eraikitzeko lanek aurrera jarraitzen dute, eta baita horren aurkako mobilizazioek ere. Hain zuzen ere, Uliako auzo elkarteak deituta, Okendo Kultur Etxean bilera egin zuten astelehenean, eta aste honetako mobilizazioak adostu zituzten.
Horrela, asteazkenean (hilak 7) lanei “bisita” egingo diete 17:00etan, ostiralean (hilak 9) lanetako hesia “apaindu” egingo dute 17:00etan eta larunbatean (hilak 10), inauterien bueltan, gaiarekin lotutako mozorroak jantzi —”zuhaitzak, aizkolariak, alkatea eta zinegotziak motozerrarekin, sukaldariak…”— eta martxa bat egingo dute 12:00etan, Okendo Kultur Etxetik udaletxeraino. Era berean, datorren astean ekintza gehiago egingo dituztela aurreratu dute.
— SOS Manteo (@SOSmanteo) February 5, 2024
