Ipar Euskal Herriko abertzaletasuna izango dute hizpide, Ernest Lluch Kultur Etxean
Bagira mugimenduak antolatuta, solasaldia egingo dute bihar, arrratsaldeko seietan.
(Argazkia: Bagira) 
Ipar Euskal Herriko abertzaletasuna hizpide izango dute bihar, hilak 15, Ernest Lluch Kultur Etxean. Bagira mugimenduak antolatuta, solasaldia egingo dute, hiru lurraldeetako mugimendu abertzalearen nondik norakoak azaldu, eta azkenaldian garatu duten prozesuaren berri emateko. 1.500 lagunek betetako inkesta izango dute oinarri, abertzaletasunaren osasuna aztertu eta etorkizunera begira dauden erronkak adierazteko. Eragile hauek ere aritu aritu dira egitasmoa antolatzen: Aztiker kooperatiba, Ipar Hegoa, Iratzar eta Manu Robles-Arangiz fundazioak, Parte Hartuz ikerketa taldea eta EHUko Subiranotasunak masterra.
Bagira prozesua
2022an abiatu zuten Bagira prozesua, abertzaletasunaren egoera aztertu, oinarriak berritu eta aurrera begirako antolakuntza zehazteko. Ikerketa lanen emaitzak esku artean, hegoaldeko hiriburu guztietatik pasako dira horien berri emateko. Azkenik, Uztaritzen amaituko dute prozesua, Aberri Egunarekin bat.
