'Punkaren beste aldea' dokumentalaren proiekzioa antolatu du Balio Dutek
Balio Dute musikarien kolektiboak igande honetarako dokumental proiekzioa antolatu du Egiako Teila Fabrikan. Perlata musika taldeak ekoitzitako Punkaren beste aldea eskainiko dute 18:30ean, Arrasateko Jesusi Etxeberria musika irakaslea oinarri duen lana.
Jesusi Etxeberria, 80 urteko emakume arrasatearra da, 50 urtez ibili da musikako klaseak ematen, musika hezkuntza, pianoa, gitarra, baxua…erakutsi izan du 70 urterekin jubilatu zen arte.
Bere erakusteko modua “berezia eta bakarra” izan da, ikasle bakoitzaren neurrira lantzen zituen baladak zein punk abestiak. Besteak beste, Perlata musika taldeko kideen irakaslea izan da. 50 urterekin gitarra elektrikoa hartu eta musikaren lehen urratsak ematen lagundu zien hainbat eta hainbat gazteri.
Perlatak dokumental biografiko bat egin nahi izan du, Jesusik Arrasateko musika eszenari egin dion ekarpena kokatuz. Jarrera eta pasioa daramatza izaeran Jesusik eta hori jaso dute hauek eta beste ikasle askok berarengandik. Omenaldi bat egingo diote eta sorkuntza honek abesti berezi bat izango du bere baitan.
Punkak ez du mugez eta patroi sozialez ulertzen eta Jesusik hala erakusten du, musika pasio da eta norbere bidea bakarra eta autentikoa. Jesusi Etxebarria agertzen da hiztegian “autentikoa” hitza bilatzea
