Inauteriak
Eureka konpartsak irabazi du Inauterietako Sari Nagusia, seigarrenez jarraian
Eureka konpartsa, aurtengo inauterietako desfileetako batean.Donostiako Festak 
Seigarren urtez jarraian, Eureka konpartsak irabazi du Donostiako Inauterietako Sari Nagusia, La Circa Mágica gaiarekin aurtengoan, Donostiako Festak erakundeak jakinarazi duenez. Bestalde, Umorearen Sari Nagusia Furius konpartsak jaso zuen, ¡Ha vuelto el Grand Prix! gaiarekin. Joan den ostiralean banatu zituzten 2024ko Donostiako inauterietako sariak, konpartsek Urnietako Oianume jatetxean egindako afarian. Inauterietako azken jarduera asteburu honetan egingo dute Donostian, konpartsen desfilea egingo baitute larunbatean Bidebietan, 17:00etan.
