Martuteneko gazte eguna ospatuko dute larunbatean
Martuteneko jaiak urrian amaitu ziren arren, auzoak jai giroa berreskuratzeko parada izango du asteburu honetan. Zehazki, larunbatean, martxoak 2, ospatuko dute Martuko Gazte Eguna aurrenekoz. Martuteneko Gazte Asanbladak antolatuta, jolasak, “flow 2000” bazkari tematikoa, karaokea, bingo musikatua, eta DJak izango dituzte, ikastetxeko patioan.
Azken asteotan sare sozialetatik zabaldu dute albistea eta asanbladak antolatu dituzte auzoko problematikak landu eta erantzun bateratu bat emateko: “Asanblada gazteok biltzeko, aisialdirako espazioak irekitzeko eta auzoko problematikari erantzuteko leku bezala ulertzen dugu. Bide horretan, animatzen zaituztegu gazte eguna antolatzera eta asanbladara batzera!”. Txatelak 18 euroan saldu dituzte, baina hilaren 25ean amaitu zen izen emateko epea.
