gastronomia
Erdialdeko Izarraitz tabernak irabazi du Gipuzkoako Patata Tortilla Txapelketa
Lurraldeko lehen txapelketaren irabazlea izan da Erdialdeko Izarraitz taberna, eta Euskadiko Txapelketako finalerako sailkatu da.
Izarraitz tabernako garaileak. (Argazkia: Cebanc) 
Erdialdeko Izarraitz tabernak lortu zuen atzo Patata Tortilla Txapelketaren lehen saria. Cebanc Gipuzkoako Ostalaritza Goi Eskolak finala hartu zuen atzo, eta lurraldetik aurkeztutako hamabi establezimenduen artean hautatu zuten Erdialdeko taberna. Izarraitz tabernako tortillarekin batera sailkatu dira Mandasko Dukea pasealekuan dagoen Rita taberna —bigarren postua— eta Parte Zaharreko Kapadokia establezimenduak —laugarren postua—. Azken honek gainera, bakailaoa tortilla onenaren saria eskuratu zuen, eta Andra mari kaleko La Taberna de Egia izan zen bigarren kategoria berdinean. Aipatutako guztiek hartuko dute parte datorren martxoaren 9an Bilboko Arriaga Antzokiaren inguruan ospatuko den Euskadiko I. Tortilla Txapelketako final handian.
Epaimahaian izan dira, besteak beste, Hilario Arbelaitz, Pedro Subijana sukaldaria, Roberto Ruiz (Hika) Pablo Loureiro (Urola Etxea), Carlos Olabuenaga (Tizona, Logroño), Aitor Lexartza (TortiBilbo), Rafael García Santos, Josema Azpeitia Ondojaneko koordinatzailea eta Paloma Enriquez Cebanc enpresako zuzendari komertziala. Banatutako diplomen bitartez, halaber, erakundeak Donostiako Antonio taberna omendu du; izan ere, 30 urte baino gehiago daramatza patata tortillaren erreferente gisa.
