'111 galdera immigrazioaz' liburua aurkeztuko dute martxoaren 21ean
Arrazakeriaren aurkako martxaren burua Zurriola pasealekuan, Alderdi Ederrera bidean. (Argazkia: Nerea Lizarralde) 
Martxoaren 21ean Arrazakeriaren eta Xenofobiaren Aurkako Nazioarteko Eguna ospatuko da, eta 111 galdera immigrazioaz liburua aurkeztuko dute San Telmo Museoan. Zas! (Zurrumurruen Aurkako Sareak) argitaratu du liburua, eta Ion Gambra Giza Eskubideetako eta Kultura Demokratikoko zuzendariak aurkeztuko du, 19:00etan.
Ondoren, solasaldia egingo dute Gemma Pinyol Jimenezek (Migrazio politiken eta aniztasunaren zuzendaria thin & do Democrategiesen eta GRITIM-UPFko ikertzailea), Sonia Parella Rubiok (Bartzelonako Unibertsitate Autonomoko irakaslea eta CER-Migracions taldeko koordinatzailea) eta Ruben Lasheras Ruizek (Nafarroako Unibertsitate Publikoko irakaslea eta Alter ikerketa taldeko ikertzailea). SOS Arrazakeriako Mikel Mazkiaranek moderatuko du solasaldia.
