Liderraren etxean irabazi du Gipuzkoa Basketek
Coruñaren eta Gipuzkoa Basketen arteko partidako une bat. 
Garaipen esanguratsua lortu zuen Gipuzkoa Basketek asteartean Galizian, Coruñaren etxean. Ligako liderrak dira galiziarrak, eta kolpe gogorra eman zuen mahai gainean talde donostiarrak, garaipenari esker ligako hirugarren postua eskuratuz.
Lehenengo minututik mendean hartu zuten Coruña, partidaren hasieran 0-10-eko partziala lortuz. Hala ere, Coruñak erreakzionatu zuen eta aldea murrizten joan zen, eta minutu batzuez Gipuzkoa Basketi aurre egin zion. Oso neurketa parekatua izan zen, baina donostiarrak abantailari eusteko eta Coruñaren aurka parez pare jokatzeko gai izan zen, partida 67-84 irabazten amaitzeko. Horrela, garaipen garrantzitsua eta hirugarren postua eskuratzeaz gain, galiziarrekin orokorrean zuten -7ko aldeari buelta eman zioten atzo.
