Pertsona bat atxilotu du Udaltzaingoak Otaegi gozotegian lapurtzen saiatzeagatik
Pertsona bat atxilotu du Udaltzaingoak gaur goizean, Otaegi gozotegian lapurreta egiten saiatzen ari zela. Izan ere, udaltzaingoak dei bat jaso du 07:50ean, Donostiako Alde Zaharreko Narrika kaleko Otaegi gozotegian lapurtzen saiatzen ari zirela ohartarazteko.
Gozotegiko langile batek lokalaren barruan harrapatu du 50 urteko gizon hori, kutxa erregistratzailearen inguruan zebilena, dirua lapurtzeko asmoz. Udaltzainak etorri direnean, gizona atxilotu eta Udaltzaingoaren egoitzara eraman dute, beharrezko izapideak egiteko.
