Kopa abiatuko du arratsaldean Ibaeta Basketek
Ibaeta Basketen entrenamendua, kopako final-laurdenetako atarian.Ibaeta Basket 
Espainiako Kopako final-laurdenak jokatuko ditu gaur arratsaldean Ibaeta Basketek, Valentziaren aurka, 18:00etan. Huelvan (Andaluzia, Espainia) jokatuko da aurtengo kopa, ligako lehenengo itzuliko zortzi talde onenen artean, gaurtik igandera bitarte.
Valentzia da ligako azken txapelduna, eta bigarren postuan dago aurten, lidergoa eskuratu nahian. Ibaeta Basket, aldiz, ligako zortzigarrena da momentu honetan, baina edonoren aurka aurrez aurre jokatzeko gai da, beraz, ez dago ezer erabakita.
Bestalde, Girona eta Estudiantes ere parez pare ariko dira gaur (20:30), eta Perfumerias Avenida-Gernika eta Zaragoza-Ferrol izango dira final-laurdenetako beste bi neurketak, ostiralean jokatuko direnak. Finalerdiak larunbatean jokatuko dira, eta finala igandean.
