Gipuzkoa Basket
Garaipen garrantzitsua eskuratu du Gipuzkoa Basketek Oviedoren aurka
Gipuzkoa Basketen eta Oviedoren arteko partidako une bat.Gipuzkoa Basket 
Joan den astean ligako titulua eskuratzeko kanporaketarako sailkatu ostean, Gipuzkoa Basket ez da erlaxatu, eta garaipen garrantzitsua lortu zuen asteazkenean Oviedoren aurka, etxean: 67-58.
Neurketaren zati handi batean nagusi izan ziren donostiarrak, eta merezitako zein landutako garaipena eskuratu zuten azkenean. Une oro, markagailuan aurretik joan den Gipuzkoa Basket, baina Asturiasekoek estutu egin zuten etxeko taldea azken txanpan, eta azken hamar minutuetan erabaki zen neurketa, azken atsedenaldira 53-43 iritsi ostean. 53-50 jartzera iritsi zen Oviedo, baina donostiarrak ez ziren kikildu, eta garaipena etxean gelditu zen. Ligako laugarrena da Gipuzkoa Basket, eta ahalik eta goren amaitzea dute helburu.
