Mugikortasuna
AP-8ko 19. irteera itxiko dute bihar gauean, Astigarraga-Donostia parean
AP-8 errepideko 19. irteera adierazten duen seinalea. 
Donostiarako 19. irteera eta A-15 errepidearekiko lotura ere egiten duena, itxita egongo da bihar, asteartea, 22:00etatik 05:00etara. AP-8ko Urumeako zubibidea birgaitzeko obren barruan, euste hesi berria jarriko da autobidearen eta 19. irteeraren bidegurutzearen parean, Bilboko noranzkoan.
Lan horiek direla eta, alternatiba gisa, A-15 errepidetik Iruñerako noranzkoan doazen erabiltzaileek autobidetik jarraitu beharko dute Lasarte-Oriako 24. irteeraraino. Helmuga Donostia dutenek 0 irteera erabili ahal izango dute, eta GI-20 errepidetik jarraitu.
