Txirrindularitza
Baptiste Gregoirek irabazi du Gipuzkoa Klasikoa
Gipuzkoako Klasikoko podiuma, Egiako Plaza Haundin.Gipuzkoako Txirrindularitza Federazioa 
Egiako Zumy sari nagusiarekin bukatu da junior mailako Gipuzkoa Klasikoa. Gaur eguerdian, Marco Martin (Bizkaiko selekzioa) izan da azkarrena Egiako helmugan, Baptiste Gregoire (Groupama) frantziarraren eta Jurgen Zomermaand (Willebrord) herbeheretarraren aurretik. Donostialdea Bizikletaneko ziklista onena Unax Otegi izan da, 55. postuan sailkatuta.
Sailkapen orokorra, berriz, Gregoirek eskuratu du, atzoko Ormaiztegiko lehen etapa irabazi ostean lorturiko aldeari esker. Martin bizkaitarrak bukatu du bigarren eta Zomermaandek hirugarren. Otegi bera izan da Donostialdea Bizikletaneko lehen txirrindularia, 49. postuan bukatu ostean.
