EAEko Auzitegi Nagusiak «lehentasunezkotzat» du Donostian instantziako epaitegi berria sortzea
Donostiako justizia jauregia. (Argazkia: Beñat Parra) 
Euskal Autonomia Erkidegoko Auzitegi Nagusiaren osoko bilkurak premiazkotzat jo du 2024an Donostiako lehen instantziako bederatzigarren epaitegia berria sortzea. EAEko Justizia Auzitegi Nagusiak hiru lurraldetako behar judizialak aztertzeko txostenean jasotako gomendioen ondoren onartu dute epaitegiaren beharra. Txostenaren arabera, lehen auzialdiko epaitegien lan karga areagotzen ari da eta, horren eraginez, arlo horretan epaitegi berrien beharra dago.
Donostian lehen auzialdirako beste bat gehitzeaz gain, Bilbon ere lan arloko beste bat sortzea beharrezko ikusten dute. Proposamena Botere Judizialaren Kontseilu Nagusiari bidali diote, Espainiako Gobernu zentralari helarazteko, eta bertan zehaztuko dute, azkenean, Euskadiren beharrak ikusita, zenbat epaitegi dagozkion lurralde bakoitzari.
