'Alde bereko etsai' kantaren bideoklipa argitaratu dute Mugan donostiarrek
Muganen 'Alde bereko etsai' abestiko bideoklipeko une bat.Mugan 
Aurrera ez den alde batera diskoa argitaratu zuen Mugan talde donostiarrak iazko azaroan, eta diskoa irekitzen duen Alde bereko etsai abestiaren bideoklipa argitaratu dute orain. Aitor Erkiziak, Maria Buendiak eta Pablo Zurutuzak zuzendu dute lana, Zurutuzak egin du gidoia eta Erkizia arduratu da irudiaz.
2017an sortu zen Pablo Zurutuza, Joseba Pastor, Enara Rodriguez, Markos Murua, Eneritz Genua eta Ander Murua musikariek osatutako seikotea, eta bi disko luze argitaratu dituzte orain arte: Bizirik ez bagaude 2020an eta Aurrera ez den alde batera 2023an. Bihar, hilak 26, Intxaurrondo Kultur Etxean joko dute, azken diskoaren aurkezpen biraren barruan —sarrerak agortuta daude—; Dokan ziren kontzertu hori ematekoak, baina Antiguako aretoa itxita dago oraindik.
