Espetxera bidali dute Bidebietako sexu erasoaren harira atxilotu zuten gizona
Bidebietako kiroldegiko sexu erasoarekin lotuta atxilotutako gizonezkoa Martuteneko espetxera bidali du epaileak. Astelehenean atxilotu zuen Ertzaintzak 62 urteko gizonezkoa, Altzan.
Izan ere, mutiko adingabe batek salaketa jarri zuen joan den asteko asteartean, sexu erasoa egin ziotelako Bidebietako kiroldegian. Erasoaren ostean aurkeztu zuten salaketa adingabearen legezko tutoreek, eta Segurtasun Sailak ikerketa abiatu zuen gertakariak argitzeko.
Atxilotutako ustezko sexu erasotzailearen biktima gehiago egon daitezkeela esan du Ertzaintzak, baina, oraingoz, ez dago beste salaketarik.
