Ekirock
Larunbatean egingo dute Añorgako Izpiak jaialdia
Ixabe taldea da laugarren Izpiak jaialdian joko duenetako bat. 
Laugarren urtez, Izpiak jaialdia antolatu dute Añorgan, eta lau kontzertuz gozatu ahalko da: Ixabek, Peru Galbetek, Yaima Orozcok eta Kadirak joko dute. Larunbat honetan izango da jaialdia (hilak 11), 12:00etan, plazan. Bestalde, bazkaria ere antolatu dute, eta txartelak hemen erosi daitezke, 15 euroan; honakoa izango da menua: patatak errioxar erara, oilasko errea eta postrea.
Ekirock komunikazio zentro mugikorra erabilita, jaialdia aurrera eramateko beharrezko gailu guztiak eguzki energiarekin elikatuko dituzte. Ekirockek energia biltzen du bere plaka fotoboltaikoari esker, eta energia horrekin elikatzen ditu beharrezko gailu guztiak.
