genero indarkeria
Gizon bat atxilotu dute Altzan, genero indarkeria egotzita
Txapiñene plaza, Altzako hiru dorre handiren artean dago. 
52 urteko gizon bat atxilotu zuten igande gauean Altzan, ustezko genero indarkeria delitua egotzita. Segurtasun sailak jakinarazi duenez, ustezko erasotzaileak bide publiko batean aparkatuta zegoen auto baten barruan erasotu zuen bikotekidea.
Gertaerak 21:20 aldera jazo ziren, eta inguruko bizilagun batek deitu zuen Ertzaintza. Segurtasun Sailak jakinarazi duenez patruila bertaratu bezain laster, ustezko erasotzailea identifikatu eta atxilotu egin zuten, genero indarkeria egotzita.
