Palestinaren aldeko elkarretaratzea egingo dute eguerdian Peñaflorida institutuan
Datozen egunetan Palestinaren aldeko jarduera gehiago antolatu dituzte Donostian.
Palestinako bi haur, Bulebarreko elkarretaratze batean. Inaxio Esnaola 
Donostiako Ikasle Abertzaleak ikasle antolakundeak deituta, Palestinan gertatzen ari den sarraskia salatzeko elkarretaratzea egingo dute gaur, 14:00etan, Peñaflorida ikastetxeko sarreran.
Honez gain, Palestinaren aldeko hainbat jarduera antolatu dituzte hirian datozen egunetan. Bihar, hilak 11, Gernika Palestina deialdi herritarrak SOS Rafah elkarretaratzea antolatu du, Alderdi Ederren, 12:30ean. Eta Ikama mugimenduko ikasleek maiatzaren 13an manifestazioa antolatu dute, 12:00etan, Bulebarretik.
