Kultur proposamenak jasotzeko deialdia ireki dute Kontadoresen
![kontadores](https://irutxulo.hitza.eus/site/files/2023/05/kontadores.jpg)
Kontadores Gazte Zentroak jarduera artistikoak eta kulturalak programatzeko proposamenak jasotzeko deialdia ireki du. Deialdi honen helburua da bertako eta gazte izaerako sormen prozesuak bultzatzea, eta proposamen berriak sartzea Kontadoresen.
Honako jarduerak onartuko dituzte: Laborategiak edo lantegi trinkoak eta arte biziekin (musika, antzerkia, poesia, ikus entzunezko saioak, performanceak, dantza edo antzeko ekimenak) erlazionaturiko pieza eszenikoak gauzatzeko proposamenak.
Proposamenak aurkezteko epea maiatzaren 21etik ekainaren 3ra arte egongo da zabalik, bi data horiek barne harturik. Dokumentazioa online aurkeztu behar da, eskaera inprimakia betez.
Kontadoresek egingo du proposamenen balorazioa eta harremanetan jarriko da izena eman duen pertsona edo taldearekin. Kontadoresek bere gain hartuko ditu jarduera garatzeko behar ekonomikoak eta baita horren difusioa bere ohiko kanaletan. Horregatik, hautaturiko proposamenek ekimena garatzeko eta produzitzeko aurrekontu bat izango dute.