Ibaeta Basket
Iris Mbulitok Ibaeta Basketen jarraituko du
Iris Junio Mbulito jokalaria. 
Urtarrilean iritsi zen Iris Junio Mbulito eskolta kanariarra Ibaeta Basketera, eta klub donostiarrak jakinarazi duenez, taldean jarraituko du hurrengo denboraldian.
“Bere bertuteek eta bere moldakortasunak taldeari laguntzeko aukera ematen diote, ez soilik kanpotik saskiratze lanetan, baita defentsa eta erreboteatze arloan ere, eta alderdi horietan nabarmendu da aurten jokatutako partidetan. Iris jokalari gisa hazten jarraitzeko geratu da eta Lara, Alba eta Masseyrekin batera, taldean jarraituko du hurrengo denboraldian”, nabarmendu du klubak.
