Bera Bera
Liga irabazteko lehenengo urratsa egiteko aukera du gaur Bera Berak
Bera Beraren eta Elxen arteko partida bateko une bat.Bera Bera 
Kopa irabazi ostean, liga irabaztea du helburu orain Bera Berak, denboraldia borobiltzeko. Hain zuzen ere, helburu hori lortzeko lehenengo pausoa emateko aukera du gaur arratsaldean, finaleko lehenengo partida jokatuko baitu Gaskan, Elxen aurka, 19:30ean.
Europako Kopa irabaztetik dator Elx, eta, beraz, partida bizia izatea aurreikusten da, maila handiko bi talderen artean. Denboraldi honetan aurrez aurre arituko diren hirugarren aldia izango da, eta, orain arte, donostiarren alde daude estatistikak: hamar goleko aldearekin irabazi zuten lehenengoa eta 27-27 berdindu zuten bigarrena.
Gaurkoan irabaziz gero, liga irabazteko urrats garrantzitsua egingo luke Bera Berak, eta konfiantzaz beterik iritsiko litzateke larunbateko bigarren neurketara.
