Zaharrean Festa egingo dute asteburuan Parte Zaharrean
Buruhandiak Parte Zaharretik ibiliko dira larunbatean.Joseba Parron San Sebastian 
Zaharrean merkataritza elkarteak Zaharrean Festa jaialdia antolatu du bigarrenez Parte Zaharrean, bi eguneko egitarauarekin. Iaz antolatu zuten estreinakoz, ondo pasatzeko ez ezik, herritarrak auzoko dendetan erostera animatzeko.
Ostiralean hasiko da jaialdia arratsalderako prestatu dituzten bi jarduerekin: auzoko merkatari bat omenduko dute 15:45ean Trinitate plazan eta futbito txapelketarekin hasiko dira han bertan 16:00etan.
Hurrengo egunean, larunbatean, futbito txapelketarekin jarraituko dute 09:00etatik aurrera, Eskola dantza taldeak kalejira egingo du auzoan barrera 11:00etan, ginkana egingo dute 12:00etan elkarteko saltoki batetik bestera, futbito txapelketako finalak jokatuko dituzte 16:00etan eta txaranga eta buruhandiak auzoko kaleetatik ibiliko dira 17:00etan.
