Intxaur Krosa izango da berritasun esanguratsua
Ekainaren 22an egingo dute lasterketa, Intxaurrondoko Intxaur jaiak ospatu aurretik.
Hilabete bukaeran izango dira Intxaurrondoko Intxaur jaiak, ekainaren 28tik 30era. Aldiz, egun batzuk lehenago egingo dute aurtengo berritasun esanguratsuenetakoa: Intxaur Krosa. Ametzagaina parkean izango da, eta 5 kilometroko ibilbidea izango du, 150 metroko desnibelarekin. 12:00etan hasiko da proba.
Hiru kategoriatan banatu dute parte hartzea: Absolutua, gazteak —16 urtetik beherakoak— eta beteranoak —40 urtetik gorakoak—. Izen-emateak 3 euro balio ditu, eta telefono honen bidez egin daiteke: 688 85 88 63.
