PSOEk irabazi ditu Europako hauteskundeak Donostian
EAJk nabarmen egin du behera eta, beraz, atzean izan ohi dituen PSOE eta EH Bildu lehen eta bigarren kokatu dira, hurrenez hurren.
Hego Euskal Herrian gertatu den moduan, Donostian ere alderdi sozialistak irabazi ditu Europako Parlamenturako hauteslekuak: sozialistek 20.954 boto eskuratu dituzte Donostian, duela bost urte baino 383 boto gehiago. Orain errepublikak (EH Bildu) izan da bigarren indarra 18.184 botorekin, baina sailkapenean gora egin arren, 500 boza inguru galdu ditu 2019ko hauteskundeekin alderatuta. CEUS (EAJ) izan da galtzaile nagusia, 13.560 boto baino ez baititu eskuratu Donostian, duela bost urte baino 14.000 boto gutxiago.
Taularen behealdean kokatzen diren alderdiekin ere gorabeherak egon dira 2019eko datuekin alderatuta. Eskuinak eta eskuin muturrak gora egin dute hirian: PPk 11.540 boto eskuratu ditu Donostian —2019an baino %50 gehiago—; Voxek, berriz, 2.345 boto jaso ditu —2019an baino 788 boto gehiago—. Behera doa, aldiz, Podemos, 8.171 boto galduta. Irene Monteroren taldeak 2.829 boto eskuratu zituen, aurreko hauteskundetan baino %74,2 gutxiago. Sumarrek, bestalde, 2.817 boto jaso zituen, Bukatu da festa ultra eskuindarrek 1.508, PACMA 481 boto, Iustitia Europeak 223 eta Frente Obrerok 214.
