Ainhoa Murua eta Cesc Godoy nagusitu dira Donostiako triatloian
Ainhoa Muruak irabazi zuen Onditz memoriala, emakumezkoetan. EITB 
Ainhoa Murua zarauztarra eta Cesc Godoy bartzelonarra gailendu dira emakumezkoen eta gizonezkoen kategorietan, igande honetan Donostiako kaleak zeharkatu dituen Onditz Memorialeko 37. edizioan; igeriketan 1,5 kilometro, bizikletan 40 kilometro eta oinezko lasterketan 10 kilometro egin zituzten, orotara.
Aurten pronostikoak bete ziren gizonezkoen proban, Godoyrekin. Triatloiko bere bosgarren garaipena du atzokoa, eta memorial honetan bere espezialitatea baliatu zuen, segmentu atletikoarena, hain zuzen, bere aurkari guztiengandik ihes egiteko. Emakumezkoen triatloiak ezustekoa eman zuen, ordea, garaipena lortzeko lehen hautagaia Helene Alberdi Europako txapelduna zelako. Igeriketan nagusi izandakoa da Alberdi, baina, kasu honetan, bere aurkari nagusietako batek hartu zion aurre: Muruak.
Azken honek aurreko hamarkadan dagoeneko lortu zuen garaipena errepikatu zuen atzo; Alberdi bigarren sailkatu zen azkenean, eta lasterketaren zati handi batean nagusi izan zen Mikayla Messer australiarra podiumeko hirugarren postuan sailkatu zen.
