Vicente Munillaren oroimenezko 24. estropada egingo dute asteburuan
Vicente Munillaren omenezko estropadaren aurkezpena.Sara Ibarguren 
Vicente Munillaren omenezko Donostiako Nazioarteko 24. estropada egingo dute asteburuan, hilaren 13an eta 14an. Vicente Munillaren oroimenezko estropadak 24 urte daramatza Kantauri itsasoko txapelketa nagusietako bat izaten. Antolatzaileek azaldu dutenez, aurten, Kantabrian eta Asturiasen puntuagarriak diren probekin bat egiten duenez, ikusleek ezin izango dute ontzi horietaz gozatu.
Hala ere, berriro ere Kantauriko tripulazio onenak izango dira Donostian. Gainera, Donostia Hiria Estropada —Vicente Munillaren Oroimenezkoa—, Euskadiko Bela Federazioak euskal kruzeroen ligarako puntuagarri izendatu du, euskal kluben beste bi estropadarekin batera.
Edizio hau 40-50 itsasontzik hasiko dute, IRC klasean eta Osiris klasean banatuta. Beste urte batez, EKP motako ontziak joango dira, eta larunbateko etapan nabigatuko dute, 12:00etatik aurrera. Igandean, ordu berean, 2. etapa eta 2. eta 3. proba teknikoak egingo dira Kontxako badiaren inguruan.
Vicente Munilla
Munilla familiak, 24 urtez, Donostiako Klub Nautikoarekin batera, Vicente Munilla nabigatzaile donostiarra omentzeko asmoz antolatzen du ekitaldi hau, hiriarekiko bela estropada entzutetsu bat eskainiz.
“Donostiako Klub Nautikoari bizitasuna eta jarraipena ematera dedikatua, Vicente Munillak hiriaren izena mundu osoan zehar eraman zuen. Pertsona adeitsua eta langilea, belaunaldi berrien eta belaren beheko kategorien sustatzailea izan zen. Espainiako txapeldunorde izan zen 470ean eta, besteak beste, Plymouth-Donostia estropada ospetsuan parte hartu zuen”, azaldu dute antolatzaileek.
